გვარამია: ჩვენ ვთავაზობთ ხალვაშს გაუსტუმროთ თანხა
02/03/2017 00:38:43

ჩვენ ვაგრძელებთ მუშაობას, ჩვენ არ გავდივართ ეთერიდან, – ამის შესახებ ტელეკომპანია რუსთავი 2–ის გენერალურმა დირექტორმა ნიკა გვარამიამ დღეს გამართულ ბრიფინგზე განაცხადა. მისი თქმით, ვიდრე ქიბარ ხალვაში არ მიიღებს გადაწყვეტილებას, გადასცეს თუ არა რუსთავი 2–ის მენეჯმენტს არხი, იქამდე ტელეკომპანია მაუწყებლობას გააგრძელებს. 

“ჩვენ ვაგრძელებთ მუშაობას, ჩვენ არ გავდივართ ეთერიდან, ჩვენ ვერ გაგვიყვანთ ეთერიდან. თუ გამორთავთ ეთერს და გაგვიყვანთ აქედან, მოგიწევთ კიდევ უფრო მეტი ზიანის აღება საკუთარ თავზე და ქვეყნის დაზარალება შეუქცევადად, რისი სურვილიც ჩვენ არ გვაქვს. ჩვენ ამ ქვეყნის შვილები ვართ, ამ ქვეყნის მოქალაქეები და პატრიოტები. ეს ადამიანები, ვინც ჩვენს უკან დგანან, მათთვის ქონების გადაცემის შემთხვევაში, ისინი უზრუნველყოფენ არხის გამართულად ფუნქციონირებას, სარედაქციო პოლიტიკის დამოუკიდებლობას, მის შემოსავლებს და ისე, რომ ქიბარ ხალვაშს გავუსტუმროთ თანხა. ისინი არ გაასხვისებენ ამ არხს. შეგვიძლია ეს პირობაც ჩავდოთ არხის გადმოცემის პირობაში. ეს ჩვენი ბოლო სიტყვაა, ბურთი ახლა თქვენს მოედანზეა. თქვენ მოკალით სიტყვის თავისუფლება და სასამართლო ხელისუფლება, გთავაზობთ გამოსავალს ამ გამოუვალი მდგომარეობიდან. „რუსთავი 2“ დარჩება ეთერში და ხმამაღლა გავიგებთ ამ გადაწყვეტილების შესახებ, რომელსაც მიიღებთ“, – განაცხადა ნიკა გვარამიამ.

რაც შეეხება სამომავლო გეგმებს, გვარამიას თქმით, ამის შესახებ ქიბარ ხალვაშის პასუხის შემდეგ გახდება ცნობილი.

ტელეკომპანია „რუსთავი 2“ ქიბარ ხალვაშს სთავაზობს, არხი არსებულ მენეჯმენტს მიჰყიდოს.


06/03/2014 00:39:25 გაეროს სპეციალური წარმომადგენელი ყირიმის ინციდენტის შემდგომ კიევში ბრუნდება

გაეროს გენერალური მდივნის სპეციალური წარმომადგენელი უკრაინაში რობერტ სერი, სიმფეროპოლის ინციდენტის შემდგომ, ყირიმიდან კიევში ბრუნდება. ამის შესახებ ინფორმაცია გაეროს ოფიციალურ საიტზეა გამოქვეყნებული.

02/06/2014 21:03:20 ქართული ოცნება ცესკოს არჩევნებიდან სიების მოხსნის ნორმის შეცვლის ინიციატივით გამოსვლას ურჩევს

ქართულმა ოცნებამ განცხადება გაავრცელა და ოპოზიციური პარტიების კანდიდადტურების მასობრივ მოხსნას გამოეხმაურა. ქართული ოცნება ცესკოს მიმართავს წინადადებით, პარტიული სიის ნაწილის მიერ არჩევნებში მონაწილეობაზე უარის თქმის შემთხვევაში, საარჩევნო პროცესიდან მთელი სიის მოხსნის ნორმის შეცვლის ინიციატივით გამოვიდეს. კოალიცია ქართული ოცნების განცხადებას ინფონეტი უცვლელად გთავაზობთ.

10 Dec 2013 კეტრინ ეშტონი იანუკოვიჩთან და ოპოზიციასთან შეხვედრების შემდგომ მეიდანზე მივიდა

უკრაინის პრეზიდენტ ვიქტორ იანუკოვიჩთან შეხვედრის შემდეგ,  ევროკავშირის საგარეო და უსაფრთხოების პოლიტიკის კომისარი კეტრინ ეშტონი მეიდანზე  ოპოზიციის ლიდერთან არსენ იაცენიუკთან ერთად მივიდა.

27/02/2014 12:01:07 ყირიმის შინაგანი ჯარი და მილიცია რადას შენობასთან არის მობილიზებული

უკრაინის შინაგან საქმეთა მინისტრის მოვალეობის შემსრულებელმა არსენი ავაკოვმა სიმფეროპოლში შექმნილი სიტუაციის გამო განცხადება გააკეთა, მან განაცხადა, რომ შინაგანი ჯარები და ყირიმის პოლიცია სრულად მობილიზებულია. 

29/07/2014 11:53:32 უგულავას და მერაბიშვილის წინააღმდეგ ჩვენება ვასილ მაღლაფერიძემ მისცა

ხელისუფლების ყოფილი მაღალჩინოსნების წინააღმდეგ ჩვენება მცხეთა-მთიანეთის ყოფილმა გუბერნატორმა ვასილ მაღლაფერიძემ მისცა. 
ამის შესახებ გიგი უგულავასა და დავით კეზერაშვილის ადვოკატმა ბექა ბასილაიამ დღეს  ჟურნალისტებთან განაცხადა. 

09/07/2014 13:30:22 ჯონ ტეფტი რუსეთში აშშ-ს ელჩად დაინიშნა

ამერიკელი დიპლომატის ჯონ ტეფტის რუსეთში აშშ-ის ელჩად დანიშვნის თაობაზე რუსეთის მხარემ თანხმობა განაცხადა. იუწყება იტარ-ტასი დიპლომატიურ წყაროზე დაყრდნობით. 


ექსპერტთა მოსაზრება
„Ненужное – упразднить, Нужное – упростить“ უკრაინის იუსტიციის მინისტრის მოადგილის გია გეწაძის ეს ფრაზა უკრაინაში უკვე პოპულარულია.