თავისუფალ დემოკრატებს პოლიციამ მოსამართლის საწინააღმდეგო პლაკატები არ გააკვრევინა
18/05/2016 09:37:00

სამართალდამცავებმა თავისუფალი დემოკრატების ახალგაზრდული ფრთის წარმომადგენლებს თბილისში, ე.წ. კაბელების საქმეზე გამოტანილ განაჩენთან დაკავშირებით, მოსამართლე ბესიკ ბუგიანიშვილის სასაწინააღმდეგო პლაკატების გაკვრის საშუალება არ მისცეს.

თავისუფალი დემოკრატების განცხადებით საპატრულო პოლიციის თანამშრომლებმა ახალგაზრდებს პლაკატები და ინვენტარი ჩამოართვეს.

”ჩვენი პარტიის ახალგაზრდული ორგანიზაციის წარმომადგენლებმა წუხელ თბილისში დაიწყეს ე.წ. კაბელების საქმის მოსამართლის საწინააღმდეგო პლაკატების გაკვრა, რათა მოქალაქეებმა იცოდნენ, ვინ დააპატიმრა 5 უდანაშაულო ადამიანი. ახალგაზრდები პლაკატებს აკრავდნენ დასაშვებ ადგილებში ანუ იქ, სადაც სხვა ბანერებიც იყო განთავსებული, თუმცა პოლიციამ მათ ამის საშუალება არ მისცა. რაც ყველაზე მნიშვნელოვანია - სამართალდამცველების მხრიდან ხელშეშლა დაიწყო თბილისის ყველა წერტილში ერთდროულად. ჩვენი პარტიის წარმომადგენლებს ჩამოართვეს ინვენტარი, ასევე ”დააპატიმრეს” ბუგიანიშვილის პლაკატები”, - აცხადებენ პარტიაში.

მათივე განმარტებით, ახალგაზრდები არ დაუკავებიათ, თუმცა

”ისინი ახსნა-განმარტების საფუძველზე გამოუშვეს. ველოდებით, რომ დღეს ადმინისტრაციული წესით ჯარიმას გამოუწერენ”, - განმარტავენ ”თავისუფალ დემოკრატებში”.

პლაკატს, რომელსაც პარტიის ახალგაზრდული ფრთის წარმომადგენლები აკრავდნენ, აქვს წარწერა: ”ბესიკ ბუგიანიშვილი იჭერს სამშობლოს სამსახურისთვის”.

როგორც ცნობილია, მოსამართლე ბესიკ ბუგიანიშვილმა 14 მაისს, ე.წ. კაბელების საქმეზე ბრალდებულ, თავდაცვის სამინისტროს ხუთივე თანამშრომელს 7-7 წლიანი პატიმრობა შეუფარდა. 

21/12/2014 01:46:55 ალექსანდრე გრიგოლაშვილის ჩამოსვენება უამინდობის გამო გადაიდო

თვითმფრინავი, რომლითაც უკრაინაში დაღუპული ალექსანდრე გრიგოლაშვილის ცხედარი საქართველოში ჩამოსვენება უნდა მომხდარიყო თბილისის საერთაშორისო აეროპორტის ნაცვლად, ერევნის აეროპორტში დაეშვა. ოფიციალური მიზეზეი უამინდობაა. როგორც INFONET-ს აეროპორტში უთხრეს, ძლიერი ნისლის გამო თვითმფრინავი ერევანში დაჯდა.

07/08/2014 19:44:38 ლინკევიჩუსი: შერჩევითი სამართალი შეუთავსებელია ევროინტეგრაციასთან

საქართველოში მიმდინარე მოვლენებს ეხმიანება ლიტვის საგარეო საქმეთა მინისტრი. ლინას ლინკევიჩუსი Twitter- ზე წერს, რომ შერჩევითი სამართალი შეუთავსებელია ევროინტეგრაციასთან.

11/11/2016 10:45:03 Washington Post: ბარაკ ობამამ სირიაში ტერორისტული დაჯგუფების ყველა ლიდერის ლიკვიდაციის ბრძანება გასცა

ბარაკ ობამამ სირიაში მოქმედი ერთ-ერთი ყველაზე გავლენიანი და მრავალრიცხოვანი დაჯგუფების, „ჯაბჰათ ფათჰ აშ-შამ“-ის ყველა ლიდერის ლიკვიდირების ბრძანება გასცა. ამის შესახებ ინფორმაციას Washington Post-ი საკუთარ წყაროებზე დაყრდნობით ავრცელებს.

31/01/2014 14:57:43 აქცია ენმ-ს ოფისთან

"ერთიანი ნაციონალური მოძრაობის" მთავარ ოფისთან თბილისში, კახეთის გზატკეცილზე მობილიზებულია პატრულის მანქანები. ენმ-ს ოფისთან პოლიტპატიმრების სტატუსით გათავისუფლებულები, სხვადასხვა არასამთავრობო ორგანიზაციები შეიკრიბნენ. აქციის ორგანიზატორია ირაკლი კაკაბაძე, რომელმაც გუშინ გამოაცხადა, რომ ის და მისი მეგობრები არიან "წითელი ეშმაკუნები" და წითლად შეღებავენ ნაციონალური მოძრაობის ოფისებს და მათი წევრების სახლებს. 

18/05/2016 12:55:00 ეროვნული ფორუმი პრეზიდენტისგან კაბელების საქმეზე მსჯავრდებულების შეწყალებას ითხოვს

ეროვნული ფორუმი საქართველოს პრეზიდენტს ე. წ. კაბელების საქმეზე მსჯავრდებული პირების შეწყალების თხოვნით მიმართავს. როგორც  კახა შარტავამ პარტიის ოფისში გამართულ ბრიფინგზე განაცხადა, პარტიის იურისტებისა და სამართლის დამოუკიდებელი ექსპერტების აზრით, ე.წ. კაბელების საქმესთან დაკავშირებით დამდგარი განაჩენი მსჯავრდებულთა უდანაშაულობას უფრო მიანიშნებს, ვიდრე მათ ბრალეულობას.

09/06/2014 13:54:56 ზალკანიანი: აშშ-ს საელჩოს განცხადებაზე უწყებათაშორისი კომისია რეაგირებას მოახდენს

საქართველოს საგარეო საქმეთა მინისტრის პირველი მოადგილე დავით ზალკალიანი დარწმუნებულია, რომ ამერიკის შეერთებული შტატების საელჩოს განცხადებაზე შესაბამის რეაგირებას უწყებათაშორისი კომისია მოახდენს. ამის თაობაზე დავით ზალკალიანმა ორშაბათის ტრადიციულ პრესკონფერენციაზე გააკეთა განაცხადება.


ექსპერტთა მოსაზრება
„Ненужное – упразднить, Нужное – упростить“ უკრაინის იუსტიციის მინისტრის მოადგილის გია გეწაძის ეს ფრაზა უკრაინაში უკვე პოპულარულია.